Дууны үг15

hmjg

Зулай цагаан Алтай

Үүрийн таван жингээр Сараан саатуулж мөнгөрсөн Үдшийн бүрий тасартал Нараа наадуулж алтарсан Зулай цагаан Алтайгаа би Зүүдэлж сэрдэг нь юуных вэ             Аяа Алтай минь, Алтай минь             Азаар заяасан нутаг аа             Тэвэрч таныгаа даахгүй ч гэлээ             Тээж явдаг шүү сэтгэлдээ Дэлгэр зуны сардаа Цэцгээ дэвсэж харуулдсан Дэнжийн цагаан гэртээ Ээж минь хүүгээ хүлээсэн Зулай цагаан Алтайгаа би Зүүдэлж сэрдэг нь юуных вэ             дахилт Заяа түвшин түмнийхээ Итгэл болж сүндэрлэсэн Санаа цагаан ардынхаа Сэтгэл болж мөнхөрсөн Зулай цагаан Алтайгаа би Зүүдэлж сэрдэг нь юуных вэ             дахилт

hmjg

Бүстийн цэнхэр нуур

Оддын доор хуучрах эрт урьдын домогтой Онгон уулаа тэврэх шиг ижий таны төрхтэй Бүстийн цэнхэр нуураа санаад байна Бүртийж хоцорсон ээжээ үгүйлээд байна Нарны доор мэлтэлзэх усны шувуудын ганганаатай Нас нэмэх тоогоор ухаан бодол ургаастай Бүстийн цэнхэр нуураа санаад байна Бүртийж хоцорсон ээжээ үгүйлээд байна Сарны доор мэлтэлзэн ширгэх нь үгүй ундрагатай Салхины аясаар хээлдэх шилэн мөнгөн долгиотой Бүстийн цэнхэр нуураа санаад байна Бүртийж хоцорсон ээжээ үгүйлээд байна

hmjg

Аав уул минь

Ургуулан ургуулан бодоход минь Уул шиг нөмөртэй аав минь дээ хө Нутгийн тахилгатай овоон дээр Нуруутай жаахан Зотол минь ээ хө Нутгийн тахилгатай овоон дээр Нуруутай жаахан Зотол минь ээ хө Хормой бэлий нь бараадах дээр Холын өндөр уулс яах вэ хө Арал шиг намхан нутгийн минь ууланд Аавын минь төрх бүтэн байна аа хө Арал шиг намхан нутгийн минь ууланд Аавын минь төрх бүтэн байна аа хө Альхан талдаа нөмөртэй Аав минь та Хүмүүлтэй юмаа хө Хайр энэрэлд чинь торнисон би Хаа нэгтэй минь хоргодсон толгод юмаа хө Хайр энэрэлд чинь торнисон би Хаа нэгтэй минь хоргодсон толгод юмаа хө

hmjg

Дөргөн нуур

Дэлгэр зуны гурван сардаа Долгио бүхэндээ шувуун чимэгтэй Дотно сэтгэлтэй нутгийн түмэндээ Домог шивнэх дөлгөөн нуураа        Дөргөн нуураа Дөргөн нуураа       Домог шивнэх Дөргөн нуураа Эрэг дээр нь тайтгаран жаргахуй Эгшигт зулай нь шувуун дуутай Элгэн садан нутгийн түмэндээ Эцгийн ухаан шиг гүн нуураа       Дөргөн нуураа Дөргөн нуураа      Эцгийн ухаан шиг гүн нуураа Хүйсийн говийн цэнхэр магнай Хатан шувуудын усан өлгий Ханьсан тойрох нутгийн түмэндээ Халин цэлэлзэх сайхан нуураа       Дөргөн нуураа Дөргөн нуураа       Халин цэлэлзэх сайхан нуураа

hmjg

Жирмийн цагаан нуур

Жил жилээр дундарсан Жирмийн цагаан нуур минь Жилээс жилд жижгэрсэн Жаахан буурал ээжий минь Дусал дуслаар татарсан Дундуур цагаан далай минь Дуунаас дуунд минь мэлмэрсэн Дэндүү ч уяхан ээжий минь Нар сараар аргадуулсан Нутгийн цагаан нуур минь Наснаас насанд минь мөнхөрсөн Намбалаг буурал ээжий минь        Наснаас насанд минь мөнхөрсөн        Намбалаг буурал ээжий минь

hmjg

Нутгийн чулуу

Аягын чинээ жаахан чулуу Айзам яруу нутгийн минь чулуу Нарны туяанаас ойсон сувд юм Намираа борооны шивэрсэн дусал юм Нарны туяанаас ойсон сувд юм Намираа борооны шивэрсэн дусал юм Малгайн чинээ жижигхэн чулуу Малын чимээтэй нутгийн минь чулуу Сарны туяанаас ойсон гэрэл юм Сарнайн төрхтэй цасан ширхэг юм Сарны туяанаас ойсон гэрэл юм Сарнайн төрхтэй цасан ширхэг юм Цэцгэн биетэй жаахан чулуу Цэцэн мэргэдтэй нутгийн минь чулуу Хүлгийн туурайнаас унасан хайрга юм Хүний инээднээс унасан аялага юм Хүлгийн туурайнаас унасан хайрга юм Хүний инээднээс унасан аялага юм

hmjg

Дөлгөөн Хэрлэн

Ухаан бодлыг уяруулсан Унаган төрөлх нутаг минь Уран долгио уралдуулсан Урсгал дөлгөөн хэрлэн минь Санаа сэтгэл уужруулсан Саруул уужим тал минь Санаа халин мэлтэлзсэн Сайхан дөлгөөн хэрлэн минь Ажил хөдөлмөр ундарсан Алтан шаргал тал минь Адуу малаа ундаалсан Амгалан дөлгөөн хэрлэн минь

hmjg

Дэлгэр мөрөн

Дэлгэр мөрний хөвөөнд Дэгж дэрвэж өслөө дөө Дэнжийн цагаан өргөөнд Дэгдээхэй насаа үдлээ дээ Энэ л мөрний хөвөөнд Ээжийн өврөөс гарлаа даа Энгүй холын хүслээрээ Эрдмийн аянд мордлоо доо Мөрөөдөл болсон ээжий минь Мөнгөн хэлхээ унагалаа даа Мөдхөн эргээд ирнэ ээ гээд Мөрөнгийн чулуунаас авлаа даа

hmjg

Хэрлэн минь

Буурлын буман үеэс Буян хишгээ татаагүй Ухаант гүнжийн домгоор Удам дамжин магтагдсан Санаанд нэг л уянгатай Саа мөнгөн Хэрлэн минь Саруул уудам талаасаа Салж ядан мяралзана Хэнтий, Дорнын уудмыг Хээлэн гоёж өнгөрөхдөө Бүсгүйн ялдам зангаар Бүхнийг ундаалж мишилзсэн Санаанд нэг л уянгатай Саа мөнгөн Хэрлэн минь Саруул уудам талаасаа Салж ядан мяралзана Сайхан Монгол орондоо Саатан тогтохоос уйдаагүй Хээрийн салхины аясаар Зээрийн сүрэг шиг хуйларсан Санаанд нэг л уянгатай Саа мөнгөн Хэрлэн минь Саруул уудам талаасаа Салж ядан мяралзана

hmjg

Зүйрлэн санах нутаг

Аав минь та хүүгээ санахын цагтаа Аглаг уулсынхаа чулуунаас атгаж нэг тайвшраарай Айл болон тоглож өссөн аглаг бэлийн минь чулуу Алагхан үрээ санасаныг аяндаа тайвшруулна             Аав минь та хүүгээ санахын цагтаа             Аглаг уулсынхаа чулуунаас атгаж нэг тайвшраарай Ээж минь та хүүгээ санахын цагтаа Эгшиглэнт горхиныхоо уснаас амсаж нэг тайвшраарай Цэнгэг усаа тольдож өссөн сэргэлэн горхины минь боргио Энхрий үрээ санасаныг эгшээж нэг тайвшруулна             Ээж минь та хүүгээ санахын цагтаа             Эгшиглэнт горхиныхоо уснаас амсаж нэг тайвшраарай Аав ээж та хоёрыгоо санахын цагтаа Алсаас униартах нутагтаа очоод аяндаа тайвширна Удаан санасан сэтгэлдээ учрахын сайны ерөөлөөр Унаган нутаг уул усаа удахгүй зорин очно оо             Аав ээж та хоёрыгоо санахын цагтаа             Алсаас униартах нутагтаа очоод аяндаа тайвширна

hmjg

Чимээгүй бороо

Цэнгийн тогоруу далавчаа сэгсрээд Цээжин бодлоос нялхармаараа Цэцэг бөхийж будан хөвөлзсөн Цэлмэг өдрийн наранд яарна       Чимээгүй бороо       Чилээсэн бороо Чиний миний зүрхийг дэнслүүлнэ Хос хун бороонд зүүрмэглээд Хонгор сэтгэл уярмаараа Гэртээ тогтохгүй хүсэл гэгэлзээд Гэгээн өдрийн учралд яарна       Чимээгүй бороо       Чилээсэн бороо Чиний миний зүрхийг дэнслүүлнэ Янагийн харц солонго татаад Янзага уруулаас амталмаараа Ятга эгшиглэж хайр гэрэлтээд Яргуй өдрийн болзоонд яарна       Чимээгүй бороо       Чилээсэн бороо       Чиний миний зүрхийг дэнслүүлнэ

hmjg

Идэр гол

Үг П.Баярсайхан  Ая М.Булган                 Тэнгэр уул нь тэврэн мэлмэрэхэд Тэлмэж урссан Идэр минь ээ Тэнгэр газар нь эрхлэн цэцэглэхэд Ээнэгшиж хайлсан сэтгэл минь ээ Идэр минь сэтгэл минь Ихэр хоёр ертөнц юм уу даа Идэр минь сэтгэл минь Ихэр хоёр ертөнц үү дээ Цэнхэр уулс нь цэгцрэн сундалдахад Цэлмэж урссан Идэр минь ээ Энхэр нутаг нь илбэнхэн цэлийхэд Эгшиглэж уярсан хайр минь ээ Идэр минь хайр минь Ихэр хоёр орчлон юм уу даа Идэр минь хайр минь Ихэр хоёр орчлон уу даа Сэтгэл хайр нь сэмрэн бөмбөрөхөд Сэргэж туналзсан Идэр минь ээ Сэрүүн шөнөдөө сананхан жаргахад Сэвлэг үнссэн рашаан минь ээ Ихэр хоёр орчлон гэвэл Идэр бидэн хоёр юм уу даа Ихэр хоёр орчлон гэвэл Идэр бидэн хоёр уу даа