Дууны үг11

hmjg

Нутаг, ус

Хөдөө нутаг сайхан

Үг Д.Пүрэвдорж Ая З.Батсүх Алсын анирхан уулс дундаа Агаарын ариухан хөдөө юм аа хө Ажил хийж амьдран суумаар Ай даа сайхан нутаг юм даа хө        Цэлмэг тэнгэрийн одод тоолон        Цэцэг нь түгсэн хөдөө юм аа хө        Цэвэрхэн охид нь хань болмоор        Цэнгүүн сайхан нутаг юм даа хө Хүний санаа ариухан цагаан Хүрээлж угтсан хөдөө юм аа хө Хүчин зүтгэж бүл нэммээр Хөгжүүн сайхан нутаг юм аа хө        Уулс, үүлс гүнд нь туссан        Усны тунгалаг хөдөө юм аа хө        Урт насалж удаан жаргамаар        Урамтай сайхан нутаг юм даа хө

hmjg

Аж богдын харуул

Үг , ая Т.Бат - Оргил Аж богдын харуул нь ээ хөө Амгалан болоод тайван даа Аав болоод ээжий, амраг хүү минь хө Амар болоод мэнд л сууна уу даа Аав болоод ээжий, амраг хүү минь хө Амар болоод мэнд л сууна уу даа Баруун чих минь хангинаад байх чинь Багын найз минь дурсаа юм уу Бэйс ноёны бошиго нь үгүй ч болоосой Бургаст голдоо дахин очих юмсан Бэйс ноёны бошиго нь үгүй ч болоосой Бургаст голдоо дахин очих юмсан Зүүн чих минь хангинаад байх чинь Зүрхний амрагаа санаа юм уу Засаг ноёны дүрэм нь үгүй ч болоосой Зуурхан ч бол хүүгээ харах юмсан Засаг ноёны дүрэм нь үгүй ч болоосой Зуурхан ч бол хүүгээ харах юмсан Мөнгөн үүлс хуралдаад байх чинь Мөдхөн бороо орохын шинж үү дээ Байн байн дээд зовхи татаад байх чинь Буцаад харихын шинж нь юм уу даа Байн байн дээд зовхи татаад байх чинь Буцаад харихын шинж нь юм уу даа

hmjg

Богдон уулын сүндэл

Үг Ч.Дагвадорж Ая Н.Мэндбаяр              Богдон уулын сүндэл Бодьтой бодьгүй сундаллана даа Бодолдоо бэтгэрдэг Та мину хө Нүдэндээ нулимстай зүүдэлнэ дээ хө Хагдтай Богдын сүндэл нь Хадтай, хадгүй сундаллана даа хө Хатуу, зөөлөн хорвоод нь Учирч л больж л зүүдэлнэ дээ хө Дүнжингаравын сүндэл нь Дүүрэн дүүрэн сундаллана даа хө Дүрлэгэр хоёр нүдийг нь хө Зовлонтой, жаргалтай зүүдэлнэ дээ хө

hmjg

Хайpхан уулын бараа

Үг Д.Отгонсүрэн Ая Б.Шарав              Сэвшээ хонгор салхиараа илбэн Сэвлэг даахийг минь сэрвээж торниулсан Цэрвүү холоос санаашран суухад Сэтгэлийн минь дотор тодорхой байдаг              Хайрхан уулын барааг              Харах бүр минь жаргал юмаа              Хайртай буурал аав ээждээ              Харих бүр минь заяа юм даа Нутаг усаа шүтэн явахын Нууцхан хайрыг өвгөдөөсөө өвлөсөн Нуурын шувууд шиг дуулаад мордсон Нулимстай нүдэнд минь илхэн явдаг             дахилт Дэвэн нисдэг жигүүртэн хүртэл Дэнж нууранд нь өнжин хоргоддог Дэргэдийн нөхөр нэрийг хэлэхэд Дээж айргийнх нь үнэр сэнгэнэдэг

hmjg

Монголын тал нутаг

Yг З.Түмэнжаргал Ая Уужуу алсаас ирээд Дүүрэн амьсгаа авахад минь Мөнхийн усыг амсах шиг Цэлмэн цэлмэн уужим Яасан цэлмэг юм бэ Монголын ариун агаар Яасан цэлмэг юм бэ Монголын хөх тэнгэр Аяны шувуудын цуваа Алжаан цуцаж гатлаад Алаг нүдний үзүүрт Хаяа хязгааргүйгээр цэлийгээд Ямар уудам юм бэ Монголын тал нутаг Яасан уужуу юм бэ Монгол хүний сэтгэл Уудам нутгийн тавилан Сэтгэлийн цавгүй амгалан Учран ханилах заяа нь Итгэлийн сэвгүй сайхнаа Ямар уудам юм бэ Монголын тал нутаг Яасан уужуу юм бэ Монгол хүний сэтгэл

hmjg

Нутгийн бараа

Үг,ая А.Аздэлгэр Зүүдэн дунд минь толгод нь үзэгдээд Зүсрэх бороотой тэнгэр нь цэнхэртээд Санаа алдахад салхи нь үнэртсэн Сайхан нутгийн бараа тодхон              Нулимстай нүдэнд торойгоод хоцорсон              Нутгийн бараа ээжийн энтэй              Ариухан шороогий нь алгандаа дээдэлсэн              Алтан нутаг аавын түшигтэй Бодлын харгуйд шувууд нь зэллээд Будант хөндийн зэргэлээ нь мяралзаад Буцах совин сэтгэлд харвуулсан Буурал нутгийн бараа тодхон             дахилт Хүний нутгийн сайхныг мэдэхээр Хүрэх алсын холыг зорьсон Хосгүй танаас эрхэм эрдэнийг Хорвоод би чинь харсангүй дээ             дахилт

hmjg

Тал нутгийн дуу

Үг Ж.Дансранжав Ая Ц.Жагдал          Санан санан бодоход Саравчлан саравчлан хармаар Нүдний хараа сунгасан Миний нутаг уудам юм даа              Уурга барьсан адуучин              Уртын дуугаа аялаад              Даамай сайн мориороо              Давхиж явдаг орон доо Нуур шиг зэргэлээн дунд Нутгийн айлууд тодроод Түмэн сүрэг налайсан Миний нутаг баян даа

hmjg

Цэнхэр хангайн нутаг

Үг Б.Түвшинжаргал,  Ая Д.Гунаажав Уул, үүл нь нийлэн харагдах Умрын цэнхэр хангай минь ээ хө Унтах нойронд зүүдлэгдээд байдаг Усы нь уусан хангай юмаа хө              Хангай наран хан аав минь              Сүргээ хариулсан нутаг аа хө              Халхын саран гоо ээжий минь              Сүүгээ өргөсөн газар аа хө Хадлан тариа халиуран найгасан Ханагар баян хангай минь ээ хө Хаа ч явсан үзэгдээд байдаг Хайрыг булаасан нутаг юм аа хө              Хангай наран хан аав минь              Сүргээ хариулсан нутаг аа хө              Халхын саран гоо ээжий минь              Сүүгээ өргөсөн газар аа хө