Дууны үг(歌词)5

hmjg · 发表于 2010-4-8 19:05:50

Зүүдний говь

Үг. Б. Лхагвасүрэн Ая. Ц. Чинзориг

Тооройн сүүдэрт ботго минь буйлна
Тогоотой сүүнд минь саран хөвнө
Толгодын оройгоор үүл нь нүүнэ
Тодхон зүүдэнд ижий минь эргэнэ
Их манхан тэнгэрийн говьд уусан алдарна
Ингэний цагаан буйлаа ботгондоо ирж шингэнэ
Зүүн бүрдийн зэгсэнд анир дуугарна
Зүйлийн буурал зүүдэнд ээжий минь эргэнэ

hmjg · 发表于 2010-4-8 19:06:27

Миний ээж

Үг. Д. Нацагдорж Ая. Ж. Шараа

Монголын үзэсгэлэнт саран гуа
Намайг төрүүлсэн ээжий
Яруу сайхан эгшгээрээ
Бөн бөн бүүвэйлсэн ижий
Зөөлөн цагаан гараараа
Хөдөлгөн өсгөсөн ижий
Зүйтэй уран үгсээрээ
Сурган хүмүүжүүлсэн ээжий

hmjg · 发表于 2010-4-8 19:06:58

Мөргөлийн дуу

Үг. Л. Болдсайхан Ая. А. Батсүх

Цайлган хайлган хайраараа өсгөсөн
Сайхан буурал ээждээ мөргөе
Цадталаа шимж хүн болсон
Цагаан сүүндээ сөхрөн мөргөе
Унаж босож хөл дээрээ тэнцсэн
Буурал ногоон газартаа мөргөе
Усан нүдтийн заяаг тольдсон
Учралт бурхандаа сөхрөн мөргөе
Авралын дээд Манзширт мөргөе
Ариун гэгээн хуврагтаа мөргөе
Арван номын үсгэндээ мөргөе
Ачлалт сайхан ээждээ мөргөе

hmjg · 发表于 2010-4-8 19:07:28

Настан буурал эмээ

Үг. П. Сандуйжав Ая. Н. Чулуунхүү

Ээжийн минь ээжий
Эмгэн буурал ээжий минь
Үрийн минь үр дээ гэж
Үлтэрч хэлтэрч явна уу даа

Нар болсон хайраараа
Намайгаа гийгүүлсэн
Наслан жаргахын буянтай
Настан буурал эмээ минь

Аавын минь ээжий
Ачтан буурал эмээ минь
Ачийн хайрыг үзнэ гэж
Алдарч элтэрч явна уу даа

Нар болсон хайраараа
Намайгаа гийгүүлсэн
Наслан жаргахын буянтай
Настан буурал эмээ минь

Дэгдээхэйгээ дагуулсан
Дэнжийн цэнхэр тогоруу шиг
Дэндүү хайраар хайрлан
Дэгэж дэрвүүлж өсгөхдөө

Нар болсон хайраараа
Намайгаа гийгүүлсэн
Наслан жаргахын буянтай
Настан буурал эмээ минь

		自动登录	找回密码
密码			注册