蒙古语翻译事务所_蒙文翻译,蒙语翻译,新蒙文翻译

标题: Мэргэн үг, сургаал [打印本页]

作者: hmjg 时间: 2010-4-16 12:31
标题: Мэргэн үг, сургаал
Хүн хэдий цэцэн төрөвч сургаалгүй үл болох.
                                                                                                         В. Инжинаш

Сургаал үг хатууч бол нянтай өвчинд догшин эм мэт.
                                                                                                               Д. Равжаа

Хашийг цоолборлохгүй болбоос
Сав болон бүтэхгүй
Хүнийг сургахгүй болбоос
Ёсыг мэдэхгүй.
                                                                                                         Эртний сургаал үг

Муу, тэр тусмаа өөрт хор уршигтай зүйлийг хийх амархан. Сайн, ашигтай хийх харин даанч хэцүү.
                                                                                                                                 Будда

Сайн сайхан зүйл маш их чармайлтын үр дүнд бий болдог. Харин муу зүйл зүгээр л өөрөө гараад ирдэг.
                                                                                                                              Демокрит

Ойр орчныхоо хүмүүст учирсан золгүй явдалд баярладаг хүн хувь заяаны өөрчлөлт хэн бүхэнд нүүрлэдгийг ойлгоогүй мунхаг байна даа.
                                                                                                                                 Демокрит

Онч үгсийг хэрэглэвэл үг цөөн, утга агуу болно.
                                                                                                                        Марк Твен

Өдөр бүр ядаж нэг дуу сонсож, уран зураг үзэх буюу мэргэн үг ганцыг ч болов уншиж байх хэрэгтэй.
                                                                                                                           В. Гете

Ардын зан үйл, сэтгэл оюун, суу ухаан нь тэдний зүйр үгээр илэрдэг.
                                                                                                                           Ф. Бэкон

Бусдын үгийг сонсоод байгаа хэрнээ тусгаж ойлгодоггүй хүн таг дүлийтэй ижил.”Байгаа мөртлөө байхгүй “ хүмүүс гэгдэгчид чухамдаа тэд л болой.
                                                                                                                           Хераклит

Нэн чухал ажил хэрэгт яаран дүгнэлт өгөх хэрэггүй.

作者: hmjg 时间: 2010-4-16 12:32
Алтан зоосоор аадар орсон ч, хүний шунал ханадаггүй. Шунал гэдэг өвчин. Түүнээс хэзээ ч жаргал төрдөггүй таньсан хүн л мэргэн болой.
                                                                                                                              Будда

Дээвэр муутай байшинд дусаал амархан нэвтэрдэг шиг тэлэгдэж гэгээрээгүй ухаан бусдын эрхшээлд автах нь хялбар.
                                                                                                                              Будда

Хүнийг үлгэрлэж хүмүүжүүлэх нь үглэж хүмүүжүүлэхээс амар.
                                                                                                                           Сенека

Хүнийг бүх талаар нь хүмүүжүүлэх гэвэл түүнийг тал бүрээс нь судалж үзэх хэрэгтэй.

                                                                                                                  К.Д. Ушинский

Хэн эелдэг аргаар эс хүмүүжүүлж чадвал чандлах аргаар бүр ч чадахгүй.
                                                                                                                        А. П. Чехов

Хэрэв өмнөө баясч бадрах юу ч байхгүй бол тэр хүн ертөнц дээр амьдарч чадахгүй юм. Хүний амьдралыг өөд татах жинхэнэ түлхээс бол баяр баясгалан юм. Хүнийг хүмүүжүүлэх гэдэг бол түүний маргаашийн баяр баясгалант замыг түүнд ойлгуулахыг хэлж байгаа хэрэг юм.
                                                                                                                  А. С. Макаренко

Сайн сайхан зүйл маш их чармайлтын үр дүнд бий болдог. Харин муу зүйл зүгээр л өөрөө гараад ирдэг.
                                                                                                                           Демокрит

Гай зовлон амсахгүй гэвэл ухаантныг түш!
Лай болдог хар санаатнаас холхон яв!
Ухаантан мэргэд хор өгсөн ч хүртэж болгоо!
Угаас муу хүн эм өгсөн ч бүү хуурт!
                                                                                                                     Омар хайяам

Буруу замаар олз олсноос гарз гарсан нь дээр. Гарз гарахад хүн нэг л удаа халаглаад өнгөрнө, харин нөгөөгөөс нь болж насан туршаа гаслах вий.
                                                                                                                                 Хилон

作者: hmjg 时间: 2010-4-16 12:32
“Ихийг сонсож , бага ярь” хэмээн бидэнд хоёр чих, нэг ам заяасан.
                                                                                                                                 Зенон

Эмч хүнд гурван зэвсэг бий. Өвс, мэс, үг.
                                                                                                                                 Ибн сина

Хэн ч мөнгөө бусдад тараагаад өгчихдөггүй . Тэгсэн атлаа цаг зав, амьдралаа бүгд л цацаж үрж явах юм даа. Уг нь үүндээ л хямгатай , харам байдаг сан бол бидэнд илүү ашиг тустай, бид өөрсдөө ч хавьгүй нэр хүндтэй байхгүй юу.
                                                                                                                                 Монтэнь

Байнга хэрэглэдэг түлхүүр ямагт гялалзаж байдаг.
                                                                                                                              Франклин

Залхуу зан, зэв хоёр адилхан. Төмөр эдлэл элж эвдрэхээсээ илүү зэвэнд идэгдэн хэрэгцээгүй болдог.
                                                                                                                              Франклин

Жаргалтай амьдрахын тулд баян байх хангалттай биш, эд баялгаа ашиглаж чаддаг байх хэрэгтэй.
                                                                                                                              Хольбах

Шинийг олж харахын тулд, зайлшгүй ямар нэгэн шинэ юм хийх хэрэгтэй.
                                                                                                                              Лихтенберг

Аливааг олж үзэх амархан, урьдчилж харах л хэцүү.
                                                                                                                              Франклин

Цорын ганц тэнэг алдаа бол урьдын алдаагаа засч залруулахгүй байх явдал.
                                                                                                                              Күнз

欢迎光临蒙古语翻译事务所_蒙文翻译,蒙语翻译,新蒙文翻译 (http://mgltxt.com/bbs/)